जिवनको आस्था (कविता)

थाहा छैन म के खोजिरहेछु,

तर पनि म जिवनको एउटा आस्था खोजिरहेछु ।

हाँसो अनि खुशी सँगै पछि लाग्ने,

सँगसँगै हिड्न खोज्ने,

ती दुखका काँडाहरुलाई,

जादुको छडिले फु गरेर पन्छ्याउन खोजिरहेछु ।

हो कहिलेकाही, मात्र कहिलेकाही, 

मन सारै डगमगाउछ,

थाहा नै हुँदैन यो जिवनको कथा कहाँ मोडिन जान्छ ?

बस तेति बेला हो त्यस्तै बेला

अँध्यारोलाई चिर्न, कापिरहेको आफ्नै मनलाई दरिलो बनाउन,

म जिवनको एउटा आस्था खोजिरहेछु ।

रेश्मी लामीछाने